“നാം വസിക്കുന്ന ഭൂമി നമുക്കെല്ലാവർക്കും പൊതുവായുള്ളത്. മനുഷ്യനിർമ്മിതമായ നാശത്തിൽ നിന്ന് ഈ ഭൂമിയെയും നമ്മുടെ ദേശത്തേയും സംരക്ഷിക്കുന്നതിനുള്ള അവബോധം പകർന്നുനൽകാൻ, 2026ലെ ഖരമാലിന്യ സംസ്ക്കരണ ചട്ടങ്ങള് നടപ്പിലാക്കാൻ ചുമതലപ്പെടുത്തിയ പ്രതിജ്ഞാബദ്ധരായ ഉദ്യോഗസ്ഥർക്കും ജനപ്രതിനിധികൾക്കും, കർമ്മനിരതരായ ശുചീകരണ തൊഴിലാളികള്ക്കും കഴിയുമെന്ന് ഞങ്ങൾക്ക് ഉറപ്പുണ്ട്. 1986-ലെ പരിസ്ഥിതി (സംരക്ഷണ) നിയമത്തിന് കീഴിൽ കൊണ്ടുവന്ന നിയമപരമായ ചട്ടക്കൂട് ഇന്ത്യൻ പൗരന്മാരുടെ പുരോഗതിക്കും ക്ഷേമത്തിനും ഉതകുന്ന ഒരു മാറ്റത്തിന് വഴിയൊരുക്കും. വരുംതലമുറകൾക്ക് ജീവിക്കാൻ അനുയോജ്യമായ ഒരു ഭൂമി അവശേഷിപ്പിക്കുക എന്നത് നമ്മുടെ എല്ലാവരുടെയും പൊതുവായ ഉത്തരവാദിത്തമായിരിക്കണം. ഭൂമിയെ സംരക്ഷിച്ചതിന് നാളത്തെ തലമുറ നൽകുന്ന നന്ദിവാക്കുകൾ നമുക്ക് കേൾക്കാനാവില്ലായിരിക്കാം; എന്നാൽ വരുംതലമുറയ്ക്ക് വേണ്ടി ത്യാഗം ചെയ്യാനും, അക്ഷീണം പ്രയത്നിക്കാനും, സ്വയം സമർപ്പിക്കാനുമുള്ള നമ്മുടെ സന്നദ്ധത, വരുംകാലങ്ങളിലേക്ക്, നമ്മുടെ മനസ്സാക്ഷിയുടെ അടയാളമായി നിലനിൽക്കും.”
ഖരമാലിന്യ സംസ്ക്കരണ ചട്ടങ്ങൾ (2026) നടപ്പിലാക്കുന്നതുമായി ബന്ധപ്പെട്ട് ബഹുമാനപ്പെട്ട സുപ്രീം കോടതിയുടെ നിരീക്ഷണം (സിവിൽ അപ്പീൽ നമ്പർ 6174/2023 തീയതി 05.05.2026)